24.12.2019 Мінск

Карта славутасцяў Мінска папоўнілася новай лакацыяй. Нагадаем, што ўладальнікі бара «На дне» вырашылі падарыць сталіцы помнік, які абяцаў быць самым маленькім у краіне. У сувязі з гэтым яны запусцілі народнае галасаванне, каб людзі маглі самі абраць яго тэму. У выніку перамагла намінацыя «беларускае эга» (якое, як лічаць уладальнікі бара на Зыбіцкай, самае маленькае ў свеце).

Не меней крэатыўна ідэю ўвасобілі ва ўжо гатовым помніку. Ён уяўляе сабою фігурку чалавечка, які абдымае літару «Ь» і стаіць на закрэсленых літарах «З», «І» і «Я». Такім чынам, помнік нагадвае, як правільна зваць нашу краіну. Памер фігуркі ўсяго 15 см, таму перад ёй усталявана лупа, каб кожны ахвотнік мог разгледзець дэталі лепей.

Скульптарам, якому даручылі ўвасабленне праекта ў жыццё, стаў Станіслаў Ніканавіч, а размалявала яго мастачка Зоя Луцэвіч. Знаёмячыся з самымі файнымі вуліцамі Мінска Кастрычніцкай і Зыбіцкай, абавязкова сюды зазірніце і зрабіце сэлфі з самай арыгінальнай скульптурай сталіцы!

Крыніца фота:  https://mag.relax.by/

Вярнуцца да спісу

Cannot find 'tours' template with page '' Cannot find 'hotels' template with page '' Cannot find 'hotels' template with page ''