24 жніўня ў Верхнім горадзе ўжо ў пяты раз пройдзе «Тбілісоба» — адзін з папулярных летніх фэстаў Беларусі. У рамках Дзён нацыянальных культур у Мінску Грузія і яе жыхары пазнаёмяць мінчан і гасцей горада са сваімі традыцыямі. Чакаюцца выступы гуртоў, розныя цікавыя лакацыі для дзяцей, дэгустацыі нацыянальнай кухні і шматлікае іншае.

У 2019 году арганізатары прыгатавалі нечаканы сюрпрыз для наведвальнікаў свята. Кожны, хто прыйдзе на «Тбілісобу» ў ганарлівай адзіноце і завядзе тут знаёмства з кім-небудзь, атрымае ўнікальны шанс прыняць удзел у розыгрышы пуцёўкі ў Грузію. Так што калі ў вас няма пары — 24 жніўня на фэсце ёсць шанс знайсці сваё каханне. 

Арганізатары прадугледзелі некалькі магчымасцяў для тых, хто жадае знайсці сваю другую палоўку:

• скарыстацца прыкладаннем Tinder,

• пакінуць свае дадзеныя на адмысловай сцяне знаёмстваў Offline Tinder Borjomi,

• проста загаварыць з незнаёмцам у натоўпе.

Чытайце таксама

У Мінску пачала працаваць бясплатная сетка Free Wi-Fi Minsk

У ТОП-5 самых рамантычных гарадоў СНД увайшоў Мінск

У маі ў Мінску адкрыюць музейны квартал

Грузінскі дом адкрыецца ў Мінску

Vulica Brasil: дзе з'явіцца першае графіці