У 2017 годзе беларуская сталіца адзначае 950-годдзе, у гонар чаго запланавана маштабная праграма святочных мерапрыемстваў. Яны пачнуцца яшчэ 7 верасня, але галоўным днём, па традыцыі, стане субота - 9 верасня. Мы распавядзем пра самыя цікавыя і відовішчныя мерапрыемствы, якія абавязкова варта наведаць і жыхарам, і гасцям Мінска.

8 верасня Вас чакае "Шоў фантанаў, што спяваюць". Відовішчнае прадстаўленне пачнецца ў 21.00 і адбудзецца ў парку Перамогі.

Не меней відовішчным абяцае быць і фэст паветраплавання, які пройдзе з 8 па 10 верасня. Рознакаляровыя аэрастаты будуць парыць над горадам, а ўначы пілоты шароў абяцаюць уладкаваць светлавое шоў.

9 верасня з 11.30 непадалек ад Палаца спорту разгорнуцца гандлёвыя шэрагі, размесцяцца фуд-корты і традыцыйны "Горад майстроў". Пройдзе фэст хлеба, у межах якога "Мінскхлебпрам" абяцае накарміць усіх велізарным тортам у 250 кілаграмаў вагай, які будзе ўпрыгожаны 9 пялёсткамі (у гонар 9 раёнаў Мінска) і выявамі выбітнасцяў сталіцы. У 20.00 адбудзецца канцэрт Прэзідэнцкага аркестра, і ў 23.00 святочную праграму  завершыць салют.

9 і 10 верасня на праспекце Пераможцаў  будзе праходзіць фэст гістарычнай рэканструкцыі "Мінск старажытны". Вы зможаце акунуцца ў атмасферу XIII- XX стагоддзяў і даведацца крыху больш пра гісторыю сталіцы Беларусі.

На "Лініі Сталіна" Вас чакае мерапрыемства, прысвечанае Дню танкіста, якое таксама адбудзецца з  9 па 10 верасня.

Кожны раён горада падрыхтаваў свае мерапрыемствы, прысвечаныя святу юбілея Мінска. Таму, дзе б Вы ні былі, усюды будзе панаваць атмасфера свята!