Пабіты чарговы рэкорд, звязаны з ростам папулярнасці «бязвіза»: у Гродна было зафіксавана прыбыццё 100-тысячнага турыста. Статыстыка назірання за дынамікай турпатоку вядзецца з пачатку 2019 года, і вынікі дзівяць ужо цяпер. Напрыклад, за ўвесь мінулы год Гродзеншчыну наведала 92 тысячы турыстаў, а ў 2019 годзе толькі за 10 месяцаў быў пераадолены статысячны бар'ер. 

Юбілейным госцем Гродзеншчыны стаў Аляксандр Кучынскі з польскага горада Беласток. Ён упершыню прыехаў у Гродна. Госцю падарылі памятныя сувеніры, а таксама сертыфікат, які дазваляе дваім гасцям наведаць Фэст нацыянальных культур. Маштабнае свята адбудзецца ў наступным годзе ў Гродна. Турыст з Польшчы быў рады і паабяцаў вярнуцца ў Гродна разам з жонкай.

Нагадаем, што не так даўно Брэст і Гродна былі аб'яднаны ў адзіную бязвізавую прастору, а таксама плануецца ўвесці «бязвіз» для вандроўцаў, якія перасякаюць мяжу праз рэгіянальныя аэрапорты Беларусі. Усе гэтыя меры дазваляюць замежнікам бесперашкодна адпачываць і падарожнічаць па нашай краіне.

Чытайце таксама

Турыстычную мабільную праграму прадставяць у Гродна

Турпаток у Гродна і вобласць вырас на 60% з пачатку года

Пракаціцца на драккары па Нёмане? Лёгка!

Рэйтынг лепшых беларускіх гарадоў

Топ месцаў Гродна для вясельных фатаграфій