Сустракаць 2020 год мінчан запрашаюць не да Палаца спорту, дзе традыцыйна праходзяць навагоднія гулянні, а на Кастрычніцкую плошчу. Менавіта тут 31 снежня ў 23.30 пачнецца канцэрт, які завершыцца на наступны дзень у 4.00 раніцы. Забаўляць гасцей будуць беларускія дыджэі і вядомыя артысты.

Доўгачаканы святочны салют, без якога не абыходзіцца ніводны Новы год, адбудзецца як раз у традыцыйным месцы — поруч Палаца спорту. Піратэхнічна-лазернае шоў пачнецца ў 1.30 і будзе доўжыцца 11 хвілін. Апроч Кастрычніцкага пляца, у горадзе арганізуюць яшчэ 24 пляцоўкі са сваімі святочнымі праграмамі. Так што весяла сустрэць свята можна будзе ў любым кутку горада!

Перад Новым годам сапраўдны калядны настрой падорыць «Пясочніца»: з 25 па 29 снежня тут разгорнецца маштабны кірмаш. Яшчэ больш фудтракаў, смачнай ежы і гарачага глінтвейна для ўзняцця настрою! Дарэчы, з усімі, хто не ведае, што падарыць родным і блізкім і дзе сустрэць Новы год, VETLIVA з задавальненнем дзеліцца сваімі радамі ў Блогу.

Чытайце таксама

Беларусь - адна з самых папулярных краін на думку The Times

Альтэрнатыўны гайд па Мінску

24 снежня ў Мінску пройдзе навагодняе шэсце казачных персанажаў

Euronews абраў лепшыя навагоднія ёлкі ў Еўропе. Мінская ёлка трапіла ў спіс!

5 месцаў, каб паглядзець салют да Дня Перамогі ў Мінску