23 кастрычніка сядзібы Барысаўскага раёна Мінскай вобласці расчыняць дзверы для гасцей. У акцыі ўдзельнічаюць 5 падворкаў. У кожнага – свая праграма для наведвальнікаў.

Пабываўшы ў сядзібе «Бівак», вы зможаце адправіцца на аглядную экскурсію, дзе даведаецеся пра падзеі 1812 года, калі войска Напалеона перасекла Нёман і працягнула ваенныя дзеянні ўжо на тэрыторыі цяперашняй Беларусі. Гасцей таксама абяцаюць пакатаць на канях.

Аматарам раслін і кветак варта наведаць сядзібу «Гаранская». Тут на 23 кастрычніка прызначана экскурсія па батанічным садзе. Гасцям раскажуць пра расліны нашай краіны: звычайныя і не зусім, а таксама пазнаёмяць з асаблівасцямі ландшафту гэтай тэрыторыі.

Калі вам па душы вада, адпраўляйцеся ў сядзібу «Ціхая гавань». Наведвальнікаў запрашаюць на прэзентацыю па будове плытоў і падарожжах на іх.

У «Буслiным маёнтку» вы зможаце даведацца больш пра гісторыю грошай і пра гарнітуры.

Калі вы любіце сакавітыя фота, адпраўляйцеся ў сядзібу «Светлая». Тут пройдзе займальная фотасесія.

Упершыню дзень адкрытых дзвярэй у сядзібах Беларусі правялі ў далёкім 2012 году. З таго часу мерапрыемства заўсёды прыцягвае шмат турыстаў і аматараў актыўнага адпачынку.

Чытайце таксама

Дабрацца ў Мінск усё прасцей: ўводзяць прамыя рэйсы з Кыргызстана, Грузіі і Расіі

Вакцынаваныя замежнікі вызваляюцца ад ПЦР-тэстаў і самаізаляцыі пры ўездзе ў Беларусь

Недалёка ад Пінска з'явіўся новы экалога-турыстычны комплекс

Зрабіць ПЦР-тэст на каранавірус у Нацыянальным аэрапорце Мінск можна зараз кругласутачна

На рацэ Ясельда з'явіцца новы маршрут для байдарачнікаў