Чыгуначны транспарт – адзін з найбольш надзейных і даступных варыянтаў для падарожжа. Цягнікі звязваюць Беларусь з многімі краінамі Еўропы і СНД. Мерны стук колаў, прыемнае абслугоўванне, чым не выдатны пачатак адпачынку ў Беларусі?
Прыехаць у Беларусь на цягніку можна практычна з любога вялiкага горада Еўропы і СНД. Маршрутная сетка ўнутры краіны ахоплівае больш за 2 100 гарадоў. У рэспубліцы працуе 21 чыгуначны вакзал з развітой інфраструктурай і комплексам сэрвісных паслуг для пасажыраў.
Чыгуначны вакзал у Мінску знаходзіцца па адрасе пл. Прывакзальная, 3.
Тэлефон для даведак – 105. Браніраванне месцаў на цягнікі – 151.
Пасажырскія перавозкі забяспечвае Беларуская чыгунка. Даведацца расклад і набыць квіткі можна ў сеткі Інтэрнэт і ў білетных касах на станцыях.
Сёння перавозкі пасажыраў чыгуначным транспартам ажыццяўляюцца:
Гарадскія лініі - перавозкі ў межах горада Мінска, абласнога цэнтра і за іх межы, але не далей чыгуначных станцый (прыпыначных пунктаў), размешчаных у гарадах-спадарожніках.
Рэгіянальныя лініі - перавозкі ў межах адміністрацыйнага дзялення вобласці і за яе межы да чыгуначных станцый (пунктаў прыпынку), размешчаных у найбліжэйшым горадзе абласнога падпарадкавання сумежнай вобласці, але не далей яе абласнога цэнтра.
Міжрэгіянальныя лініі - перавозкі паміж горадам Мінскам і абласнымі цэнтрамі і паміж абласнымі цэнтрамі.
Міжнародныя лініі - перавозкі паміж Рэспублікай Беларусь і іншымі дзяржавамі.
1
2...
517