Цікавы Мінск: гайд ад VETLIVA.BY

Прыехалі ў Мінск і не ведаеце, куды пайсці? Ці Вам здаецца, што Вы ўжо ўсё бачылі і не ведаеце, куды падацца? VETLIVA – гід па Беларусі – распавядзе Вам пра цікавыя месцы ў Мінску, пра якія Вы, магчыма, яшчэ не ведалі.

Куды пайсці ў Мінску: традыцыйны маршрут

Калі Ваша мэта – задаволіць эстэтычны голад, тады варта правесці вечар у цэнтры Мінска. Галоўныя выбітнасці сталіцы Беларусі засяроджаны тут:

• «Чырвоны» касцёл і Свята-Духаў сабор,
• Траецкае прадмесце, якое здаўна лічыцца візітнай карткай Мінска, і будынак Нацыянальнага тэатра оперы і балета,
• сучасныя архітэктурныя шэдэўры – Нацыянальная бібліятэка, ці «Дыямент ведаў», і ўльтрасучасная Мінск-арэна.

Мінск і яго цікавыя месцы

Вам надакучылі «тыповыя» выбітнасці накшталт Траецкага прадмесця, Нацыянальнай бібліятэкі і «Чырвонага» касцёла? Тады адпраўляйцеся на вуліцу Кастрычніцкую! Калі Вы яшчэ не чулі пра гэта месца, якое з кожным днём набірае ўсё большую папулярнасць – тады Вам адназначна тут спадабаецца. Завадскія сцены распісаны мудрагелістымі графіці, якія з’яўляюцца спадчынай фэсту стрыт-арта Vulica Brasil, у будынках хаваюцца лямпавыя кафэ і бары накшталт «Хулігана», «Enzo» і бліннай «Дэпо». Пятніца і субота збіраюць тут усіх тусоўшчыкаў горада.

Калі ж душа ўсё ж прагне менавіта архітэктурных шэдэўраў, вось падборка славутасцяў Мінска, якія несправядліва абдзелены турыстамі:

• Касцёл святога Роха – вытанчаны каталіцкі храм, які схаваны ад турыстаў усярэдзіне спальнага раёна;
• Пішчалаўскі замак, ці беларуская Бастылія – крэпасць XIX стагоддзя, у якой ужо на працягу двухсот гадоў знаходзіцца турма. У сценах гэтага старадаўняга астрога пабывалі і Якуб Колас, і Максім Танк, а збегчы з яго атрымалася вядомаму чэкісту – Феліксу Дзяржынскаму;

• Чырвоны панадворак – месца, дзе любіць збірацца мінскі бамонд, праводзяцца паказы арт-хаусных фільмаў і праходзяць выставы мастакоў;
• Дом Лі Харві Освальда – напэўна, нават не ўсе мінчукі ведаюць, што знакаміты забойца Лі Харві Освальд, ад рукі якога загінуў прэзідэнт Джон Кэнэдзі, 2,5 гады жыл у хаце на вуліцы Камуністычнай, 4;
• Прыхільнікам архітэктуры Гаудзі і Хундэртвасера абавязкова прійдзецца па густу сучасная мінская выбітнасць —  жылы комплекс у завулку Адзінцова. Футурыстычны дызайн дамоў, кіслотныя колеры, плаўныя лініі эфектна вылучаюць раён сярод аднатыпных новабудоўляў.

• парк імя Горкага – лепшае месца для адпачынку з дзецьмі ў Мінску,
• парк Чалюскінцаў з олдскульнымі атракцыёнамі,
• парк Перамогі на Камсамольскім возеры – цудоўнае месца для рэлаксу і адпачынку на прыродзе.

Гастранамічны турызм: дзе паспрабаваць нацыянальную беларускую кухню

Дранікі, кулябяка і крамбамбуля — стравы з разраду «маст хэв» для гасцей Беларусі. Іх гатуюць практычна ўсюды, і VETLIVA рэкамендуе звярнуць увагу на некаторыя з самых арыгінальных устаноў:

• Simple – тут гатуюць толькі з мясцовых прадуктаў, аднак не па даўніне, а з ужываннем сучасных тэхналогій;
• «Камяніца» — а вось тут Вы якраз знойдзеце і традыцыйны інтэр'ер у стылі карчмы, і стравы, прыгатаваныя паводле старадаўніх рэцэптаў;
• «Васількі» — сетка недарагіх рэстаранаў, якая выдатна падыходзіць для знаёмства з беларускай кухняй;
• «Грай» — лямпавае месца, якое, нароўні з беларускімі нацыянальнымі стравамі, ненадакучліва знаёміць гасцей са спадчынай Беларусі: у інтэр'еры прысутнічаюць матывы, уласцівыя творчасці Казіміра Малевіча і Марка Шагала, а само кафэ размяшчаецца ўнутры помніка архітэктуры XVIII стагоддзя.

Відэа

Чытайце таксама

Мінск у кіно: месцы, якія патрапілі ў знакамітыя фільмы

Як абраць курорт у Беларусі?

Прывіды, русалкі, НЛА: незвычайныя месцы Беларусі

Гайд па замках Беларусі

Топ-50 славутасцей Мінска