Алесіна

Паўсталая з попелу

Вёска Алесіна Смалявіцкага раёна Мінскай вобласці - гэта адна з тых тысяч вёсак, якая падчас вайны была спалена. Аднак уваскрэслы ў літаральным сэнсе з попелу, яна змагла стаць адной з найлепшых у Беларусі.

Дастаткова прайсціся па яе дагледжаным вулачках, палюбавацца пабудовамі, выкананымі ў адным стылі.

Вёска Алесіна знаходзіцца недалёка ад Смалявічаў: усяго 12 кіламетраў. Бліжэйшая чыгуначная станцыя размешчана ў Смалявічах. У вёсцы пражывае звыш 400 чалавек. Алесіна - гэта, да таго ж, яшчэ і аграгарадок.

Фальварак - засценак - арцель - саўгас

А пачыналася ўсё калісьці з таго, што ў XIX - пачатку XX стагоддзя фальварак Алесіна ўпершыню быў згаданы ў дакументах як частка маёнтка «Шыпяны». Належаў гэта маёнтак сваякам кампазітара Станіслава Манюшкі. Паводле перапісу 1897 года, у фальварку пражывала 156 жыхароў. У Алесіна знаходзіўся броварны завод (будынак захаваўся дагэтуль), а таксама сажалка.

Пасля рэвалюцыі 1917 года, Алесіна стала называцца засценках, з'явілася да таго ж сельскагаспадарчая арцель «Новае жыццё». Яна праіснавала аж да 1924 года.

У 30-ых гадах XX стагоддзя на тэрыторыі вёскі з'явіліся два заводы: крухмальны і малочны, а таксама кузня.

У час Вялікай Айчыннай вайны вёска была спалена. Але ўжо пасля вайны яна стала называцца саўгас «Шыпяны».

Аграгарадок Алесіна

Аднак уцалеў броварны завод, які застаўся ад сядзібы Ваньковічаў: склад, гас прыбудова і некалькі карпусоў. У будынку былога бровара, выкладзенага з чырвонай цэглы і камянёў, размяшчаецца адміністрацыя вёскі, а таксама банк. Усе гэтыя пабудовы пачатку XX стагоддзя ахоўваюцца дзяржавай. Яны, да таго ж, надаюць вёсцы Алесіна непаўторнае аблічча.

Узвышаецца над вёскай храм Раства Хрыстова, вуліцы патанаюць у зеляніне, ёсць крамы, кафэ. У сярэдняй школе вёскі Алесіна створаны музей Якуба Коласа - класіка беларускай літаратуры.

Асаблівасцю аграгарадка Алесіна з'яўляецца насенны завод. Ён пачаў сваю працу з 2010 года. На сённяшні дзень РУП «Шыпяны-АСК» - гэта адзін з лідзіруючых гаспадарак у Беларусі па выкарыстанні перадавых тэхналогій раслінаводства. Акрамя таго, у гаспадарцы пабудаваны сучасны комплекс па вырошчванні буйной рагатай жывёлы.

У Алесіна будуюцца новыя дамы, развіваецца інфраструктура. Усё гэта прыцягвае не толькі мясцовых жыхароў, але і турыстаў. Бо хто адмовіцца прайсціся па дагледжаным вуліцах, пайсці ў лес за грыбамі, паглядзець на каналы, якімі акружана вёска?

Прыгажосць унутраная

Вонкавая прыгажосць дапаўняецца і прыгажосцю ўнутранай вёскі Алесіна. Бо сама назва гэтага населенага пункта з'явілася, як сцвярджае мясцовая легенда, ад імя Алесь / Алеся. Яго цудоўнае гучанне пацвярджае, што адрадзіцца і захаваць гісторыю можна насуперак усяму. Бесперапыннае развіццё вёскі кажа пра тое, што там жывуць выдатныя і працавітыя людзі, сярод якіх ёсць хлопчыкі ці дзяўчынкі Алесі. А гэта значыць, што гісторыя вёскі Алесіна працягваецца.

Карта месцазнаходжаньня

загрузка карты...

Зварот да спісу